Казанда узучы авыл хуҗалыгы ярминкәсендә нурлатлылар актив катнаша

2023 елның 30 сентябре, шимбә

Авыл хуҗалыгы җитештерүчеләре продукциянең киң ассортиментын тәкъдим итте.

Бүген "Казан" Агросәнәгать паркында республиканың төрле районнары катнашында чираттагы көзге авыл хуҗалыгы ярминкәсе эшли.

Нурлат районын авыл хуҗалыгы предприятиеләре, кооперативлар, авыл җирлекләре, фермер һәм шәхси ярдәмче хуҗалыклар тәкъдим итә. Киштәләрдә ит, яшелчә, бал, сөт, икмәк продукциясе һәм башка күп төр продукциянең бай ассортиментын күрергә һәм сатып алырга мөмкин.