Дамир Ишкинеев кабаттан Нурлат районы Башлыгы итеп сайланды
Депутатлар Нурлат муниципаль районы Советының чираттагы сессиясендә Дамир Азат улы кандидатурасын хупладылар.
Бүген Татарстан Республикасы Нурлат муниципаль районы Советының чираттагы 30нчы сессиясе узды. Сессия эшендә ТР Администрациясе җитәкчесенең беренче урынбасары – Татарстан Республикасы Рәисе идарәсе башлыгы Илнур Гарипов, ТР Дәүләт Советы депутатлары Александр Шадриков Һәм Рәис Сөләйманов катнашты.
Сессиядә депутатлар берничә мөһим мәсьәләне карадылар. Муниципаль берәмлекләрнең вәкиллекле органнары депутатларын өстәмә сайлау нәтиҗәләре белән район башлыгы урынбасары Линар Маняпов таныштырды.
Нурлат районында өстәмә сайлаулар 4 муниципаль берәмлектә узды. Барлык округлар буенча сайлаулар узган дип танылды. Линар Нурисламович билгеләп үткәнчә, Ишкинеев Дамир Азатович 17нче Төньяк-Көнчыгыш сайлау округы буенча шәһәр Советы депутаты итеп сайланды, ә 16 сентябрьдә ул Нурлат шәһәре Башлыгы итеп сайланды. Шуңа күрә Якушкино авыл җирлеге Советы утырышында Якушкино авыл җирлеге депутаты буларак вәкаләтләрен вакытыннан алда туктату турында Карар кабул ителде. «Татарстан Республикасы Нурлат муниципаль районы» муниципаль берәмлеге Уставының 35 статьясындагы 1 пунктының 9 пунктчасына ярашлы рәвештә, район Советы депутатының вәкаләтләре тиешле җирлек Советы депутаты буларак вәкаләтләре вакытыннан алда туктатылган очракта, аның вәкаләтләре вакытыннан алда туктатыла. Шуңа күрә сессиядә депутатлар Нурлат районы башлыгы Дамир Ишкинеев вәкаләтләрен вакытыннан алда туктату турында Карар кабул иттеләр.
Көн тәртибендәге чираттагы мәсьәлә - «Татарстан Республикасы Нурлат муниципаль районы» муниципаль берәмлеге башлыгын сайлау. ТР Администрациясе җитәкчесенең беренче урынбасары-ТР Рәисе идарәсе башлыгы Илнур Гарипов бу вазыйфага Дамир Азатович Ишкинеев кандидатурасын тәкъдим итте.
"Дамир Азатович-сезнең якташыгыз. Шулай ук бердәм команда булып бөтен район файдасына бердәм эшләвегезне дәвам итәрсез дип ышанам», – диде Илнур Мәхмүт улы.
Депутатлар бертавыштан Дамир Ишкинеев кандидатурасын хуплый. Аннары яңа сайланып куелган район Башлыгы ант кабул итте.
"Сезнең ышанычны акларга тырышырмын. Район башлыгы – тулаем катлаулы хуҗалык белән идарә итүне ышанып тапшырылган кеше дип саныйм. Башлыкның көче кешеләргә хезмәт итәргә һәм гади кешенең язмышына, аның ихтыяҗларына һәм проблемаларына нык игътибар бирә белеп эшләүдә. Мин үз өстемә алган барлык җаваплылыкны аңлыйм һәм сезнең ярдәм белән районыбызны тагын да алга киткән һәм чәчәк атучы район итәргә тырышырбыз, дип өметләнәм", - диде Дамир Азатович, күрсәтелгән ышаныч өчен рәхмәтен белдереп.