Нурлат муниципаль районы Башлыгы Дамир Ишкинеев ике атналык ялга кайткан мобилизацияләнгән якташларыбыз белән очрашты

Ул нурлатлыларның контракт хезмәтендә актив катнашулары, волонтерлык хәрәкәте турында сөйләде, якташларына ничек хезмәт итүләре, аларның кәефе, мобилизациягә кадәр кайда эшләве белән кызыксынды. 

Чәй эчкәндә сугышчылар хезмәтләре, көнкүреше турында уртаклаштылар, Нурлат волонтерларына, аерым алганда, “Җиңү өчен тәм-томнар” төркеменә рәхмәтләрен белдерделәр. "Рәхмәт әйтү, мөгаен, аз булыр. Өйдәге ризык кебек», – дип уртаклашты «Матрос» кушаматлы Никита.  Сугышчы районның зур ярдәмен билгеләп үтте. "Мин хәрби хезмәткә чакырылгач, сабыйлар балалар бакчасына, түгәрәкләргә бушлай йөри башлады. Бик сөендерде. Якташлар бик нык ярдәм итә. Безгә барлык посылкалар, волонтерлар җибәргән һәрнәрсә килеп ирешә", - диде ул. "Матрос" 2022 елның сентябрь ахырында чакырылган, бу аның инде икенче тапкыр ялга кайтуы. 

Хезмәт вакытында Алексей “Ингуш” хәрби бүләккә махсус хәрби операциядә катнашучы медаленә лаек була. "Без блокпостта шәһәргә керүче һәм чыгып баручы граждан машиналарын тикшерәбез. Медаль тыелган матдәләрне тоткарлаган өчен бирелде», – дип уртаклашты хәрби. Аның сүзләренчә, әти – әнисе өчен ул тыныч-аларга районда ярдәм итәләр.

Монда ук «Ватанны саклаучылар» махсус хәрби операция катнашучыларына ярдәм фонды социаль кураторы Татьяна Әхмәтҗанова каралган ярдәм чаралары турында сөйләде.

Очрашудан соң мобилизацияләнгән якташлар һәм район башлыгы истәлекле фотога төштеләр. Үзегезне саклагыз, кирәкмәгән урында гомерегезне куркыныч астына куймагыз, игътибарлы булыгыз. Без сезне көтәбез", - диде Дамир Азатович тизрәк кайту теләге белән.