Нурлатлылар Пушкин картасы буенча төрле чараларда катнаша ала

2023 елның 14 сентябре, пәнҗешәмбе

Пушкин картасы ияләре булган нурлатлылар өчен шәһәрдә һәм районда төрле чаралар оештырылган.

Әйтик, Нурлатта «Грани» кинотеатрында «Ал да онытма», «Чижик-Пыжик кире кайта» һ.б. фильмнарын карарга, Халыклар дуслыгы йортында «Дуслык серләре» танып белү сәгатендә катнашырга, Кама аръягы һәм Нурлат шәһәренең төбәк тарихы музеена, Колбай-Мораса авылында Габдулла Кариев исемендәге музейга барырга, Тимерлек мәдәният йортында милли мастер-класслар вакытында төймәләр, Каравыл Тавы авылы мәдәният йортында милли курчак-саклагычлар һәм башка күп нәрсәләр ясарга мөмкин.

Пушкин картасын рәсмиләштерүгә гаризаны дәүләт хезмәтләре порталындагы шәхси кабинет аша бирергә мөмкин. Аны 14 яшьтән 22 яшькә кадәрге яшьләр рәсмиләштерә ала.