Нурлат гимназиясендә Александр Шадриков катнашында Белем көненә багышланган тантаналы линейка узды
Бүген шәһәр гимназиясендә Белем көненә багышланган линейка узды.
Гимназистларны һәм учреждение коллективын уку елы башлану белән Нурлат районы Башлыгы Дамир Ишкинеев һәм республиканың Экология һәм табигый ресурслар министры Александр Шадриков котлады.
"Бүген Нурлат муниципаль районында 30 мәктәп үз ишекләрен ачты. Мәктәп парталары артына 6000нән артык укучы, шул исәптән 580 беренче сыйныф укучысы утырачак. Беренче чиратта бүген беренче тапкыр мәктәп кыңгыравы яңгыраган 1 сыйныф укучыларын котлыйм. Бу ел чыгарылыш сыйныф укучылары өчен икеләтә җаваплы булачак, чөнки аларның алда имтиханнар көтә. Мәктәп программалары ничек кенә үзгәрмәсен, нәкъ менә укытучылар җилкәсенә укучыларны өйрәтү, белем нигезен генә түгел, җәмгыятьтә яшәү һәм аңа файдалы булу осталыгын да салу бурычы ята», – диде Дамир Азатович, барлык катнашучыларны Белем көне белән котлап. Биредә ул гимназиянең башлангыч сыйныф укытучысы Флүсә Җиһаншинага район башлыгының Мактау грамотасын тапшырды.
Рөстәм Миңнеханов исеменнән һәм шәхсән үз исеменнән котлауларны республиканың баш экологы Александр Шадриков та җиткерде, ул укучыларны һәм укытучыларны Белем көне белән котлады һәм аларга яңа уңышлар һәм җиңүләр теләде, шулай ук гимназиянең туган тел һәм әдәбият укытучысы Гөлия Шәйхетдиновага ТР Мәгариф Министрлыгының Мактау грамотасын тапшырды.
"Мәктәпкә җыенырга ярдәм ит!" республика акциясе кысаларында" хөрмәтле кунаклар мобилизацияләнгән якташларыбызның балаларына мәктәпкә бүләкләр тапшырдылар.
Укучылар өчен көчле алкышлар астында быел беренче мәктәп кыңгыравы шалтырады һәм балалар бердәм рәвештә гимназиягә беренче сыйныф сәгатенә үттеләр.
Хөрмәтле кунаклар исә мәгариф учреждениесенең ашханәсендә булдылар, анда бу җәйдә республика программасы кысаларында учреждениене капиталь ремонтладылар.