Нурлатның нәни гимнастлары өчен спорт сезоны башланды
«Омтылыш» нәфис гимнастика студиясендә шөгыльләнүче кызлар шимбә көнне, 26 августта, Биек Тауда узган ярышларда яңа спорт сезонын уңышлы башладылар.
Каникуллардан соң да, кысан шартларда шөгыльләнгәндә дә, 11 яшь гимнаст кызчык искиткеч чыгышлар күрсәтә һәм 6 алтын, 4 көмеш һәм бер бронза медаль алып кайтты.
Гимнасткаларның иң кечесе Гөлназ Фәтхетдинова 1нче урынны алды. 2017 елда туган кызлар пьедесталны бүлештеләр: Тимохина Валерия 1нче урында, беренче тапкыр чыгыш ясаган Анеля Сагирова шунда ук 2нче урынга лаек булды. Радмила Дмитриева 2нче урында һәм Валерия Шамбина, шулай ук беренче тапкыр чыгыш ясап, 3нче урынны алды.
2016 елда туган кызлар тагын да катлаулырак программаларны бик яхшы башкардылар: Самина Хәбибрахманова 1нче урынны алды, ә Феодосия Колесникова һәм Азиза Зәйнетдинова 2нче урынны бүлештеләр. Ангелина Филимонова үз программасын бик яхшы күрсәтте, ул1 нче урынга чыкты.
Иң өлкән кызлар предметлар белән катнаштылар һәм икесе дә үз яшь төркемчәләрендә беренче урыннарга чыктылар. Эмилия Сәгъдиева беренче тапкыр булавалар белән чыгыш ясаса, ә Карина Абүзәрова кабат сикергечне сайлады.
"Безнең барлык кызлар да бик максатчан характерлы, күпләр өйдә дә күнегүләрне яхшырак сыгылмалылык һәм элементларда төгәллек өчен кабатлыйлар, хәтта каникулларда да. Әлбәттә, барысы белән дә горурланам», – дип яшь спортчы кызларның тырышлыгын билгеләп үтте аларның тренеры Зифа Сәгъдиева.