Татарстан Республикасы Рәисе Нурлат районы мәгариф идарәсенә автомобиль ачкычын тапшырды
Бүген ТР Дәүләт Советы каршындагы мәйданчыкта Рөстәм Миңнеханов педагогик хезмәткәрләргә 49 яңа LADA Vesta автомобиле ачкычларын тапшырды.
"Яңа уку елы алдыннан яхшы традиция бар-бүләкләр ясау. Мәгариф системасы муниципалитетлар һәм шәһәр округлары мәгариф бүлекләренә нигезләнә. Әлбәттә, сезнең мобильлек һәм нәтиҗәлелек күбесенчә оперативрак эшләргә мөмкинлек бирә торган транспорт булуга бәйле булачак», – дип мөрәҗәгать итте Рөстәм Миңнеханов.
Тантана ахырында ул педагогик хезмәткәрләрне яңа уку елы белән котлады, «Мәгариф – ул киләчәгебез» дип билгеләп үтте. Бу хакта «Татар-информ»яза.
Бу сүзләрдән соң республика җитәкчесе автомобильләргә символик ачкычны мәгариф һәм фән министрына тапшырды. Тантанада ТР Дәүләт Советы Рәисе урынбасары Марат Әхмәтов, ТР Муниципаль берәмлекләр Советы җитәкчесе Әгъзам Гобәйдуллин, муниципалитетлар башлыклары катнашты. Нурлат районын район Башлыгы Дамир Ишкинеев, мәгариф бүлеге башлыгы Алсу Рәхмәтуллина, Башкарма комитет җитәкчесенең социаль мәсьәләләр буенча урынбасары Оксана Терентьева, «Кояшкай» балалар бакчасы мөдире Назлыгөл Могыйнова тәкъдим итте.