Нурлат районында гражданнар җыеннары дәвам итә
Кичә, 15 августта, Нурлат районы Башлыгы Дамир Ишкинеевның Биккол һәм Фома авыл җирлекләрендә яшәүчеләр белән очрашулары булды.
Ул авыллар халкына районның 2023 елның беренче яртыеллыгындагы социаль - икътисади үсеш нәтиҗәләре турында сөйләде.
"Бикколлылар өчен республика программалары буенча ФАП ремонтланды, 9 яктырткыч куелды һәм 6 урамда СИП кабеле алыштырылды. Халык үзләре 1 млн. сумнан артык салым акчасына авыл эчендәге юлларны ремонтлаган. Бикколлылар Нурлат - Биккол юлын ремонтлау буенча проблемалы мәсьәләне күтәрделәр.
Фома авылында яшәүчеләр үзара салым акчасына юлларны ремонтлауны дәвам итәләр һәм янгын куркынычсызлыгы таләпләрен тәэмин итү өчен ярымприцеп - цистерна сатып алганнар. Биредә барлык проблемалы мәсьәләләрне җирлек башлыгы халык белән берлектә оператив хәл итә",-дип хәбәр итте район башлыгы үзенең телеграм-каналында.
Чыганак: Дамир Ишкинеевның телеграмм-каналы
Фоторәсем: Дамир Ишкинеевның телеграмм-каналыннан