Дамир Ишкинеев Нурлат төзүчеләрен һөнәри бәйрәмнәре белән котлады
Бүген Нурлат шәһәренең "Театр" скверында төзүчеләр көненә багышланган тантаналы чара узды. Нурлат районы башлыгы Дамир Ишкинеев һөнәри бәйрәм – төзүчеләр көне белән үзенең котлауларын җиткерде.
"Бу зур тарихлы искиткеч матур бәйрәм, кешеләр борынгыдан ук йортларсыз, корылмаларсыз яши алмаганнар. Бүгенге көнгә кадәр төзүчеләрнең иҗади хезмәте ярдәмендә йортлар, юллар, заводлар, социаль объектлар һәм башка күп нәрсәләр төзелә. Сезгә, хөрмәтле төзүчеләр, зур рәхмәт. Сез исән чакта үзегезгә бу объектлар рәвешендә һәйкәлләр куясыз, алар дистәләрчә һәм йөзләрчә еллар кешеләргә хезмәт итә. 2020 елдан башлап безнең шәһәрдә һәм районда 7,5 миллиард сумнан артык гомуми суммага 500 объект төзелгән һәм төзекләндерелгән. Бу бик мөһим саннар. Агымдагы елда эшләр йөз социаль әһәмиятле объектта алып барыла", - диде Дамир Азатович, иң яхшы теләкләрен җиткереп.
Район башлыгы катнашында бүләкләү тантанасы да узды. Ул районның иң яхшы төзүчеләренә ТР Төзелеш, архитектура һәм ТКХ Министрлыгының Мактау грамоталарын һәм Рәхмәт хатларын, Нурлат районы башлыгының Мактау грамоталарын һәм Рәхмәт хатларын тапшырды.
Район башлыгы тармак ветераннарына аерым рәхмәт һәм котлау сүзләрен җиткерде.
Бәйрәм районның талантлы артистлары әзерләгән концерт программасы белән дәвам итте, алар төзүчеләргә үзләренең иң яхшы иҗади номерларын бүләк иттеләр.