Махсус хәрби операция зонасында катнашырга теләк белдергән нурлатлы гаилә төзеде
Бүген ЗАГС бүлегендә операция зонасында катнашырга теләк белдергән Евгений һәм аның сөеклесе Татьяна өйләнештеләр.
Кияү үз теләге белән операция зонасына катнашырга карар иткән. Ул китәр алдыннан бер көн алдан өйләнергә булган.
"Без ел ярым бергә яшәдек. Иртәгә ирем үз теләге белән операция зонасына китә, шуңа күрә без үз мөнәсәбәтләребезне законлаштырырга булдык», – дип сөйләде Татьяна Шмакова.
"Мин үз теләгем белән барырга карар итүем турында хәбәр иткәч, хатыным мине аңлап, ярдәм итте. Барысы да яхшы булыр дип уйлыйм", - дип уртаклашты Евгений.
Шмаковлар гаиләсен тормышларындагы мөһим вакыйга белән котларга туганнары һәм якыннары җыелды. Нурлат районы Башкарма комитеты җитәкчесе Зәрринә Сәйфетдинова котлауларга кушылды һәм Евгений белән Татьянага сәламәтлек, иминлек һәм уңышлар теләде.
"Россия Федерациясе Гаилә кодексының 11 статьясы нигезендә, никахны теркәү өчен гариза биргәндә, яшь парлар аерым шартлар булганда, гариза биргән көнне никахларын теркәргә хокуклы. 2023 ел башыннан безнең районда 192 никах теркәлде, шуларның 3се мобилизацияләнгәннәр катнашында. Татьяна һәм Евгений бүген, 8 августта гариза бирделәр һәм шул ук көнне никахларын теркәү хокукыннан файдаландылар», – дип билгеләп үтте район Башкарма комитетының ЗАГС бүлеге башлыгы Лилия Гомәрова.