Нурлат районының Яңа Әлмәт авылында табиблык амбулаториясендә ремонт төгәлләнде
Кичә Иске Әлмәт авыл җирлеге халкы белән очрашу кысаларында район Башлыгы Дамир Ишкинеев капиталь ремонтланган табиб амбулаториясендә булды.
Ул авыл халкын ремонт эшләре тәмамлану белән котлады.
"Бу авыл халкы өчен бик мөһим вакыйга – капиталь ремонттан соң 5 торак пункт авыл халкына хезмәт күрсәтә табиблык амбулаториясе ачыла. Кызганычка каршы, авыруларсыз тормыш булмый, кешеләр авырый, амбулатория яңартылган рәвештә авыл халкына хезмәт итсен. Сыйфатлы эшләре өчен төзүчеләргә зур рәхмәт", – диде Дамир Азатович, ул бүләкләү тантанасын да үткәрде-күпьеллык намуслы хезмәте өчен подряд оешмасы мастеры Виталий Антоновка һәм Яңа Әлмәт табиблык амбулаториясенең гомуми практика табибы шәфкать туташы Зөлфия Ибраһимовага район башлыгының Мактау грамоталарын тапшырды.
"Ремонт эшләре вакытында без ябылмадык, амбулаториянең бер өлешендә подрядчылар эшләгәндә, авыл халкын икенче якта кабул иттек, аннары киресенчә. Безнең коллектив кечкенә, нибары 5 кеше. Әлбәттә, амбулаторияне мондый яңарту халыкка сыйфатлырак хезмәт күрсәтергә мөмкинлек бирәчәк. Мәсәлән, элек кайнар су да юк иде, ремонттан соң су җылыткыч урнаштырылганнан соң бу проблема хәл ителде», – дип уртаклашты Зөлфия Ибраһимова.
Авыл халкы медицина учреждениесе яңартылуына бигрәк тә шат. 73 яшьлек Мансур Сөнгатуллин амбулаториягә еш килә икән, шуңа күрә монда барлык үзгәрешләр аның күз алдында.
"Әлбәттә, бирегә анализларны тапшырырга, басымны үлчәргә, шифа алырга да киләбез. Хезмәткәрләр игелекле, әдәпле, ә ремонттан соң бөтенләй башка бүлмәгә эләгәсең кебек: якты, иркен, уңайлы», – дип уртаклашты Мансур ага.