Яңа Иглай авыл җирлегендә үзара салым акчаларына яңа балалар мәйданчыгы төзеләчәк
Яңа Иглай авыл җирлегендә үзара салым программасы кысаларында быел да төрле эшләр башкарылачак.
Илгиз Фәйзуллин Нурлаттан, бүген Казанда яши. Шулай да, еш кына туган шәһәрендә һәм әбисе һәм бабасы яшәгән Яңа Иглайда да еш була. Кызганычка каршы, алар инде исән түгел, әмма балалар һәм оныклар әтиләренең йортын ташлап китмиләр, аны карыйлар, бакчаны утырталар. Ә быелдан башлап авылга бару җиңелрәк һәм күңеллерәк булачак дип әйтергә була. Чөнки үзара салым программасы кысаларында аларның йорты урнашкан Яшьләр урамында 165 метр озынлыктагы яңа юл салынган.
- Безнең урам авыл читендә урнашкан. Шуңа күрә язгы су басу вакытында һәм көзге юл өзеклегендә йөрү авыр булган. Ә хәзер елның теләсә кайсы чорында бернинди проблема юк. Авылда мондый программа эшләве бик яхшы, - ди ул.
Яшьләр урамы Яңа Иглайда үзара салым программасы ярдәмендә яңартылган бердәнбер урам түгел. Шулай ук аның кысаларында Горная, Победа һәм Овражный тыкрыкларында юллар төзекләндерелә.
- Яңа Иглайда быел үзара салым программасы буенча 535 метр юл салынды, - диде авыл җирлеге башлыгы Гөлшат Фәйзуллина. -Тулаем алганда, авыл җирлектәге 5 торак пунктның һәрберсендә 2 миллион 500 мең сумлык юл эшләре планлаштырылган иде. Аларның барысы да үтәлде. Үзара салым акчалары шулай ук урамнарны яктыртуга юнәлтелде, авыл җирлеге буенча 23 яктырткыч яңаларына алыштырылды. Әлбәттә, авыл халкы җыелган акчаның нинди максатларга тотылачагын үзләре хәл итә. Мәсәлән, Тукай поселогында быел программа ярдәмендә балалар мәйданчыгы булдырылачак, уен җиһазларына һәм коймаларга акча җитәрлек булырга тиеш. Иске Иглайда исә зират коймасын алыштырачаклар, материалларның бер өлешен сатып алганнар инде, ә калганнары кергәч, эшкә керешергә мөмкин булачак. Якты Күлгә шушы көннәрдә янгын сүндерү прицеп-цистернасын алып кайтырга тиешләр. Бу халык куркынычсызлыгы өчен дә бик мөһим.
- Авыл халкы үзара салым программасының мөһимлеген бик яхшы аңлый. Чөнки ул безгә ел саен беренче чираттагы мәсьәләләрне хәл итәргә ярдәм итә, – ди Гөлшат Вәгыйз кызы. - Дәүләт авыл халкының инициативаларын хуплый. Быел халыктан 979 мең сум акча җыелды, республика бюджетыннан тагын 4 миллион сумга якын акча керде. Бу инде бик җитди сумма. Шуңа күрә программа гамәлдә булганда, аның мөмкинлекләреннән файдаланып калырга кирәк.