Каравыл Тавында шушы көннәрдә матур авыл бәйрәме узды
Авыл халкы һәм бәйрәм кунаклары бик күп кызыклы мәйданчыкларда булдылар.
Алар спонсор Худояров Ойбектан чын үзбәк пылавын һәм кайнар коймаклар белән самовырдан ясалган тәмле чәйне татып карадылар, сокланып кына калмадылар, «Авылында тырыш халык яши» ярминкә-күргәзмәсендә авыл осталарының сувенирларын да сатып алдылар, рәсем ясарга яратучыларны «Без авылны бергә бизибез» күргәзмәсе көтте, күпләр рәхәтләнеп фотога төштеләр матур фотозоналарда үзләре өчен хәтер магнитлары ясадылар, ә балалар батутларда күңел ачты. Кунаклар игътибарына «Шәхесләр тарихы» фотокүргәзмәсен тәкъдим иттеләр, аны 41 ел авыл китапханәчесе булып эшләгән Елена Максимова иске газета кисәкләреннән төзегән.
Җирлек башлыгы Анатолий Борисов катнашучыларны сәламләде һәм махсус хәрби операция зонасына гуманитар ярдәм җыюда һәм җибәрүдә бәяләп бетергесез эш башкарган өчен Владимир һәм Светлана Алиповларга, Әнәс һәм Надия Йосыповларга Рәхмәт хатларын тапшырды, җирлекнең иҗтимагый тормышында актив катнашкан өчен Александр Семенов, Алексей Макаров, Владимир Евграфов, Алексей Ильинкин, Владимир Евсеев, Владимир Ипатовны, шулай ук узган һәм быел балалары туган гаиләләр билгеләп үттеләр.
Каравыл Тавы авылының бик бай тарихы бар, авыл халкы аның белән хаклы рәвештә горурлана ала. Бүгенге көндә мобилизация буенча чакырылган һәм волонтерлар булып киткән 11 кеше махсус хәрби операция зонасында тора. Һәлак булган Дмитрий Анатольевич Селивановны да бер минут тынлык белән искә алдылар.
- Бүген Каравыл Тавы-инфраструктурасы үсеш алган авыл, биредә бар халык бер зур тату гаилә кебек яши! Һәр заманда авылның чын бизәге булып кешеләр, механизаторлар, терлекчеләр, укытучылар, табиблар һәм мәдәният хезмәткәрләре торган. Без аларны көн саен күрәбез, алар янәшәдә яшиләр, алар эш сөючән һәм тыйнак. Алар арасында үз хезмәтләре өчен күп кенә лаеклы дәүләт бүләкләре алучылар бихисап! Безнең кечкенә Ватаныбыз исән, димәк, аның белән бергә без дә яшибез, – дип билгеләп үтте Анатолий Борисов.