Нурлат мәктәпләре һәм балалар бакчалары 200 килограммга якын батарейка җыйган
«Гринта» төбәк операторы Нурлат районы балалар бакчалары укучылары һәм тәрбияләнүчеләре җыйган 195 кг батарейканы җыеп алып китте.
Кулланылган батарейкаларны җыю Татарстан Экология министрлыгы акциясенең язгы этабы кысаларында узды. Татарстанның көнчыгыш зонасы территориясеннән эшкәртүгә барлыгы 16 тоннадан артык электрохимик элемент җибәреләчәк. Бу уку елы башына караганда икеләтә диярлек. Шулай итеп, акциянең күпьеллык тарихында абсолют рекорд куелды. Эшләнгән элементлар Чиләбе «Мегаполисресурс» заводына тапшырыла, анда алар зарарсызландырыла һәм утильләштерелә.
"Җыелган батарейкалар санының артуы сөендерми кала алмый, чөнки бу акциядә катнашучылар — әйләнә — тирә мохитне саклауга җәлеп ителгән балалар санының артуын күрсәтә, - дип билгеләп үтте «Гринта» ҖЧҖ генераль директоры Евгения Фәгыймова. - Балалар бакчасыннан ук күпләр батарейкаларны ТКО өчен контейнерларга ташлау катгый тыелганлыгын белә, чөнки аларның тышчалары җимерелгәч, сәламәтлек өчен зарарлы матдәләр бүленеп чыга. Бу калдыклар икенче куркыныч класска карый.
Татарстанның көнчыгыш зонасында «Гринта» белән хезмәт күрсәтелә торган 23 муниципаль районның һәрберсендә электрохимик элементларны җыю нокталары оештырылды. Быел акциягә беренче тапкыр мәктәпкәчә учреждениеләр кушылды. Барлыгы 16433 кг эшкәртелгән батарейка җыелган.