Дамир Ишкиниев гражданнар мөрәҗәгатьләре буенча шәһәрнең проблемалы участокларында һәм төзелеш мәйданчыкларында булды

2023 елның 6 июле, пәнҗешәмбе

Нурлат районы Башлыгы шәһәрнең төзелеш мәйданчыкларын һәм проблемалы участокларын карады.

Менә кайбер нәтиҗәләр:

- хәрби комиссариат бинасын ремонтлауда әзерлек 40% тәшкил итә;

- шәһәрнең 9нчы мәктәбенең азык-төлек блогын ремонтлау кызу бара. Әзерлек 42% тәшкил итә;

- "Мирас" яшьләр-яшүсмерләр клубын капиталь ремонтлау 67% әзерлек стадиясендә;

- Яшьлек микрорайонындагы "Игелек" скверын төзекләндерү барышы турында урында фикер алыштылар;

- Дружба һәм Самаренкин урамнары киселешендә юлның проблемалы өлеше буенча берничә карар кабул иттеләр;

- тротуар һәм яшел зоналар төзелеше белән Дружба урамындагы юлны капиталь ремонтлау барышын карадык. Әзерлек 60%.