Нурлат районы башлыгы Корбан бәйрәмендә катнашты
Бүген, 28 июньдә, мөселманнар исламның иң мөһим бәйрәмнәренең берсен – Корбан бәйрәмен билгеләп үтәләр. Бу уңайдан Нурлат районының барлык мәчетләрендә бәйрәм намазлары узды.
Иртәдән үк нурлатлылар районның барлык 42 мәчетенә җыела башлыйлар, биредә иртәнге намаздан соң дин әһелләре Коръән сүрәләрен, вәгазьләр укыйлар. Ә дүртенче яртыда барысы бергә гает намазына бастылар.
Шикәрчеләр микрорайоны мәчетенә 78 яшьлек Сөләймән Шаһидуллин беренчеләрдән булып килгән. Монда ул көненә өч тапкырдан намазга йөри, ә бәйрәмгә аеруча дулкынланып килгән.
"Шикәрчеләр микрорайонында 49 ел яшим, мәчеткә лаеклы ялга чыккач йөри башладым. Монда соңгы үзгәрешләр шатландыра-манараны тышладылар, намаз залын ремонтладылар, территорияне төзекләндерделәр. Бүген, гаиләбездә килгән традиция буенча, намаздан соң балаларыбыз белән бергә бәйрәм чәй мәҗлесенә җыелачакбыз, аннары Корбан чалачакбыз. Менә инде 25 ел дәвамында һәр ел саен Корбан бәйрәменә сарык чалабыз", - дип уртаклашты ул.
Биредә Нурлат районы башлыгы Дамир Ишкиниев та гыйбадәт кылуда катнашты. Ул нурлатлыларны Бөек бәйрәм – Корбан бәйрәме белән котлады.
"Нурлат районында үзара хөрмәт һәм милләтара татулык хөкем сөрә. Мөселманнар башка конфессия вәкилләре белән тынычлыкта яшиләр. Безнең халыклар арасында конфессияара дуслык киләчәктә дә сакланыр дип өметләнәм», – дип мөрәҗәгать итте ул катнашучыларга.
Гыйбадәт кылу гает намазы белән тәмамлана, шуннан соң дин тотучыларны мәчет янындагы ишегалды бинасында мул итеп көйләнгән бәйрәм өстәленә чакыралар. Монда барысына да хуш исле пылау белән сыйладылар. Мәчетнең имам-хатыйбы Рәис хәзрәт Айбушев сүзләренчә, биредә ел саен Ураза бәйрәме һәм Корбан бәйрәме хөрмәтенә бәйрәм намазына җыелганнар өчен чәй эчү оештырыла.
Бәйрәм гыйбадәтләрендә Нурлаттан Хөснетдиновларның өч буыны вәкилләре дә катнашты. Иң кечкенәсенә – Данияр нибары 4 яшь, әмма ул инде сүрәләрне белә, намаз укый.
Балаларга кечкенәдән үк дини тәрбия бирергә кирәк, алар Аллага табынсыннар, Ислам нигезләрен белсеннәр, тирә-юньдәгеләргә мәрхәмәтле булсыннар өчен. Бу тормыш өчен дә мөһим», - дип уртаклашты малайның бабасы Ринат Хөснетдинов.