Конкурс 11 июньдә Нурлат Сабан туе көнендә узачак
Конкурсны оештыручы - «Мәдәният үсеше үзәге» МБУ 15-25 яшьлек татар телен һәм татар мәдәниятен һәм традицияләрен яхшы белгән, сәләтле, артистлыкка ия булган кызларны катнашырга чакыра.
Конкурс түбәндәге номинацияләр буенча узачак: «Ямьле җәй» дефилесында һәм татар милли костюмында, палантиннар белән бию композициясе (башка тюрбан бәйләргә кирәк), «Гаилә милли ашлары» (өйдә катнашучылар милли ризык әзерлиләр һәм аны тәкъдим итәләр), «Бер биеп алык әле», «Милли моңнар» (катнашучылар сәнгать иҗатының теләсә кайсы жанрында осталык (вокал, бию һ.б.).
Конкурс чыгышларын компетентлы жюри бәяләячәк, ул абсолют җиңүчене билгеләячәк, калган катнашучылар номинацияләр буенча билгеләнәчәк. Җиңүче «Сабан туе сылуы-2023» титулын, күчеп йөрүче таҗ һәм хаситә, шулай ук диплом һәм кыйммәтле бүләк алачак.
Гаризалар электрон почтага кабул ителә: Alfiya.Galautdinova@tatar.ru.