Нурлатта җәяүлеләр өчен куркынычсызлык зонасы төзелеше бара
Яшьлек микрорайонында яшәүчеләр яңа уңайлы тротуарлардан йөриячәк.
Территорияне төзекләндерү «Игелек» нефтьчеләр скверына якын урамнарны үз эченә алачак.
Самаренко урамындагы 14 нче йорт ишегалды ике ел элек «Безнең ишегалды» программасы кысаларында төзекләндерелгән иде, хәзер йортның икенче ягындагы тузган тротуар да яңартыла – нәкъ менә монда Нурлат автомобиль юллары идарәсе бу микрорайонда планлы юл эшләрен башлады.
- Әлбәттә, бүген бу бик кирәк, монда коляскалар белән яшь әниләр йөри, балалар велосипедта, мәктәпкә, бассейнга йөри. Хәзер без моннан да йөри алабыз. Тротуарлар төзелеше тәмамланганнан соң бик уңайлы һәм куркынычсыз булачак, - дип белдерде йортта яшәүче Елена Ларионова.
Яңа тротуар әлегә җир асты җәяүлеләр кичүеннән Самаренкин урамындагы 6нчы йортка кадәр сузыла. Биредә 8 кеше эшли, махсус техника да җәлеп ителгән.
- Бу йорт янында Исемсез урамда җәяүлеләр кичүенә кадәр яңа тротуар салачакбыз. Ул бу урамда да дәвам итәчәк, юл өслеген да яңартачакбыз, – дип сөйләде НУАДның юл участоклары прорабы Ленар Садыйков. - Бер үк вакытта 4нче шәһәр мәктәбенә кадәр тротуар төзү өчен әзерлек эшләре алып барыла: искесен сүтәбез, юл кырыендагы ташларны алыштырабыз, асфальт-бетон катнашмасын салу өчен нигез салабыз. Монда ук юл өлеше һәм парковка урыннары төзекләндереләчәк.
Шулай итеп, яңа тротуарлар Самаренкин, Дружба, Исемсез һәм Совет урамнарын тоташтырачак.
-Юл эшләре «Юл фонды», «Куркынычсыз юл хәрәкәте» һәм «Юл – урам челтәрен норматив хәлгә китерү» программалары буенча алып барыла, - дип билгеләп үтте НУАД начальнигы Рәфис Сафиуллин. - Монда җәяүлеләр һәм мәктәп укучылары өчен имин куркынычсыз зона булачак.