"Дуслык" газетасы "Бәллүр каләм- Хрустальное перо" республика конкурсында җиңүче булды
Редакциянең иҗади коллективы "Татарстан Республикасында милли проектларны яктырту буенча массакүләм мәгълүмат чараларының иң яхшы редакциясе” номинациясендә җиңүгә лаек булды.
Бүген Казанда журналистика һәм масса – медиа өлкәсендә «Бәллүр каләм - Хрустальное перо” республика ХХVI конкурсына йомгак ясалды. Бүләкләү тантанасы "Сәйдәш" мәдәният йортында узды.
"Бәллүр каләм - Хрустальное перо" - Татарстанның Журналистлар җәмәгатьчелеге өчен төп Республика конкурсы. Быел конкурска журналистиканың барлык юнәлешләре буенча ике меңнән артык журналист материаллары килгән. "Нурлат-информ" коллективы "Татарстан Республикасында милли проектларны яктырту буенча массакүләм мәгълүмат чараларының иң яхшы редакциясе" номинациясендә җиңүче булды. Бүләкне «Татмедиа» «Нурлат-информ» АҖ филиалы җитәкчесе баш мөхәррире Резеда Гиняева кабул итеп алды.