Нурлат районы ГХАТ бүлеге белгечләре гаилә белеме буенча дәрес үткәрде

2023 елның 26 мае, җомга

Кичә, 25 майда, Нурлат районы Башкарма комитетының ЗАГС бүлеге белгечләре Гаилә белеме дәресе үткәрде.

Тыңлаучылар булып шәһәрнең 1нче мәктәбенең 10 нчы сыйныф укучылары килде.

Кызыклы әңгәмә барышында балаларга «ЗАГС» аббревиатурасы, актларның теркәлә торган язмалары турында сөйләделәр. Мәктәп укучылары «Гаилә бәхете серләре» викторинасында катнашты, шулай ук кияү белән кәләш, ата-аналар һәм кунаклар ролен үзләре дә сынап карый алды.