Нурлатта ТР Хезмәт һәм социаль яклау министрлыгы линиясе буенча республика семинар-киңәшмәсе узды
Күчмә семинарда социаль куркыныч хәлдә булган гаиләләр белән эшләүдә ведомствоара хезмәттәшлекне оештыру, шулай ук аларны хәл итү проблемалары һәм юллары турында фикер алыштылар.
Семинар эшендә Татарстан Республикасы Хезмәт, халыкны эш белән тәэмин итү һәм социаль яклау министры урынбасары Юлия Абдреева, Татарстан Республикасы прокуратурасының балигъ булмаганнарга һәм яшьләргә карата законнарның үтәлешен күзәтү бүлеге башлыгы Александр Цеханович, Татарстан Республикасы Яшьләр эшләре министры урынбасары Денис Лулаков һ. б. катнашты. Чарада катнашу өчен башкарма комитетларның социаль мәсьәләләр буенча җитәкчеләре урынбасарлары, балигъ булмаганнар эшләре һәм аларның хокукларын яклау буенча муниципаль комиссияләр рәисләре, республиканың 10 муниципаль берәмлегеннән ведомствоара хезмәттәшлек системасында катнашучылар чакырылган иде.
"Һәр квартал саен республиканың бер районында бүгенге көндә профилактика субъектларында булган проблемалар һәм мәсьәләләр турында фикер алышу, алдагы киңәшмәләрдә куйган барлык бурычларыбызны мониторинглау өчен без семинар-киңәшмә үткәрәбез. Һәм, әлбәттә, утырыш эшендә катнашкан һәм көн тәртибендә торган барлык беренче чираттагы мәсьәләләр буенча профилактика субъектлары булган барлык тармак министрлыкларын тыңларга тырышабыз. Бүген без социаль куркыныч хәлдә булган гаиләләрдәге балаларның җәйге ялын оештыру буенча проблемалы мәсьәләләр буенча фикер алышу өчен республика яшьләр министры урынбасарын чакырдык. Уку елы тәмамлана, балалар каникулларга китә, һәм аларның урамда калдырылмавы мөһим. Без аларның ялын оештырырга, кайда ял итә алуларын, кайда вакытлыча эшкә урнашуларын тәкъдим итәргә һәм, тиешлечә, баш тартканнарны аерым контрольгә алырга тиешбез», – дип билгеләп үтте ТР Хезмәт, халыкны эш белән тәэмин итү һәм социаль яклау министры урынбасары Юлия Абдреева.
Семинар-киңәшмәдә Нурлат районы башкарма комитеты җитәкчесенең социаль мәсьәләләр буенча урынбасары, балигъ булмаганнар эшләре һәм аларның хокукларын яклау комиссиясе рәисе Оксана Терентьева социаль куркыныч хәлдә булган гаиләләрне реабилитацияләү буенча профилактика системасы субъектларының ведомствоара хезмәттәшлеген оештыру буенча эш тәҗрибәсе турында сөйләде. Нурлат районында мондый категориядәге 52 гаилә яши, аларда 106 бала тәрбияләнә. Оксана Терентьева билгеләп үткәнчә, 7 яшьтән алып 17 яшькә кадәрге 69 балага җәйге ял оештырылачак. Алар «Заречный», «Раздолье» сәламәтләндерү лагерьларында, шулай ук мәктәп яны лагерьларында ял итәчәкләр. Җәйге каникуллар вакытында аларны вакытлыча эшкә урнаштыру планнары да карала.