Июнь аенда бакчада ниләр эшләргә

2023 елның 24 мае, чәршәмбе

Җәйнең беренче аенда бакчачыларга дача яки йорт яны участогында күп кенә мөһим эшләрне башкарырга туры киләчәк.

Бу хакта «Россельхозцентр» федераль дәүләт бюджет учреждениесенең Татарстан Республикасы буенча филиалы җитәкчесе урынбасары Гүзәл Хөсәенова сөйләде.

Шулай итеп, төп эшләр июнь аенда. Бу, мәсәлән, кышкы саклау өчен чөгендер чәчү, шулай ук майда утыртылган чөгендерне пикировкаларга вакыт (үсентеләр арасында 5 см ара калдырабыз). Моннан тыш, кәбестәнең төрле төрләренең соңрак сортлары үсентеләрен утырту. Ике атна аралыгында тиз өлгергән яшелчә культуралары: шпинат, салат, редис һәм башкаларны кабат утырту.