Нурлатлылар Казанда журналистлар өчен Медиа пикникта катнашты

2023 елның 19 мае, җомга

Бүген «ТАТМЕДИА»нең баш офисында ТР Матбугат көне хөрмәтенә тантаналы кабул итү, шулай ук бөтен республика журналистлары өчен Медиа пикник узды. Чарада Нурлат районы матбугат ветераны Сәкинә Хәйруллина да катнашты. Ул бөтен гомерен журналистикага багышлаган, 10 ел «Дуслык» (Дружба, Туслах) газетасының баш мөхәррире булып эшләгән.

Ә бәйрәм концертында газета корреспонденты Антонина Артамонова чыгыш ясады, ул кунаклар өчен чуаш телендә җыр җырлады.   

Әлеге чара форматы беренче тапкыр кулланыла. Программага татар эстрадасы йолдызлары белән концерт, күргәзмә экспозициясе һ. б. кертелгән.