Нурлатта бердәмроссиялеләр 500 гә якын Георгий тасмасы таратачак

2023 елның 7 мае, якшәмбе

Хәтер, буыннар бәйләнеше һәм хәрби дан символы буларак, районның шәһәр һәм авылларында нурлатлыларга Георгий тасмалары таратыла.

- Әлеге чара «Георгий тасмасы» Бөтенроссия акциясе кысаларында уза, – диде «Бердәм Россия» партиясенең Нурлат җирле бүлекчәсе башкарма секретаре Оксана Ермилова.

- Кичә шәһәр урамнарында, җәмәгать урыннарында аларны яшь гвардиячеләр таратты, ә бүген без дәвам иттек. Шулай ук авыл җирлекләре башлыкларына тапшырылды, алар авыл халкына тасмалар таратачаклар.

Мондый акция ел саен үткәрелә. Бөек Җиңү көненә кадәр бердәмроссиялеләр 500 Георгий тасмасы таратачак.