Нурлатта «Җиңү рекорды» спорт-патриотик акциясе узды
Быел акциядә катнашучылар Бөек Җиңүдән соң тыныч көннәр саны буенча 28 476 тапкыр тартылдылар.
Бүген бу акциядә 800гә якын кеше катнашты.
Чараны Нурлат муниципаль районы башлыгы урынбасары Линар Маняпов ачып җибәрде.
«Җиңү рекорды» акциясе ярдәмендә без тарихка, Җиңү көнен якынайткан ветераннарга мөнәсәбәтебезне күрсәтәбез. Спорт-патриотик акция бәйрәм алдыннан үткәрелә. Мин сезгә, егетләр, чарада актив катнашуыгыз өчен бик рәхмәтлемен. Барыгызны да бәйрәм белән!, диде Линар Нурисламович.
"Юнармия составында мин алтынчы сыйныфтан бирле. Мин барлык патриотик чараларда, акцияләрдә катнашам. Бүген Мин сыйныф белән «Җиңү рекорды» нда катнашырга килдем, - дип сөйләде Нурлат гимназиясе укучысы Рина Гатина.
Яшь армиячеләргә үрнәкне аларның әтиләре күрсәткән. Алар беренче булып тартылуга керештеләр, алар арасында Линар Маняпов һәм Ришат Сафиуллин да бар иде.
Мин улым укыган 9нчы мәктәпкә генә түгел, ә мин тәмамлаган яраткан 1нче мәктәпкә дә ярдәм итәргә килдем. Мин Бөек Җиңү көне уңаеннан уздырыла торган бөтен хәрәкәтне хуплыйм. «Җиңү рекорды» кебек акциягә кушылу өчен барысына да мөрәҗәгать итәргә теләр идем, - диде шәһәрнең 9нчы мәктәбе укучысының әтисе Андрей Челышов.