Татарстан Рәисе Нурлат урманчылыгына автомобиль ачкычларын тапшырды

2023 елның 2 мае, сишәмбе

Бүген Татарстан Республикасы Рәисе Рөстәм Миңнеханов республика урманчылыклары җитәкчеләренә яңа автомобиль ачкычларын тапшырды.

Алар арасында Нурлат урманчылыгы җитәкчесе-урманчы Рөстәм Галиев та бар. "Чара Казанның Ирек мәйданында узды. Яңа гына “Lada Niva Legend» машинасында  кайтыр юлга чыктык", – дип хәбәр итте Рөстәм Минсәлимович.

Автомобильләр федераль программа кысаларында сатып алынган, алар урманнарны патрульләү, янгын сүндерү шартларын мониторинглау, урманнарны законсыз кисүне һәм урманны саклау законнарын бозуны кисәтү өчен кирәк.