Нурлат гимназистлары “Аҗаган" уенының зона этабында җиңү яулады

2023 елның 30 апреле, якшәмбе

Нурлат гимназиясе командасы «Аҗаган- 2023» хәрби-спорт уенының зона этабы җиңүчесе булды.

Быел уенның зона этабы Татарстанның Әлки районы Базарлы Матак авылында узды. Ярышларда 7 команда катнаша, аларның һәрберсе составына 10 егет, 4 кыз һәм җитәкче керә.

Командалар интеллектуаль конкурста ярыштылар, шулай ук физик һәм хәрби әзерлек дәрәҗәсен күрсәттеләр.

Хәзер Нурлат гимназиясе командасын 2023 елның май аеның икенче яртысында узачак республика финалы ярышлары көтә. Аларга җиңү телибез!