Санитар эшкәртү!

Хөрмәтле нурлатлылар!

«Нурлат урманчылыгы» оешмасы сезгә майның икенче декадасында Чияле Алан, Тимерлек, Яңа Тумба торак пунктларының урман участокларында парсыз ефәк күбәләген бетерү буенча санитар эшкәртү үткәреләчәге турында хәбәр итә.

Шуңа бәйле рәвештә урманнарга баруга, гөмбә һәм җиләк җыюга, ботак азыгы, мунча себеркеләре әзерләүгә, шулай ук эре мөгезле терлекләр көтүенә һәм урман участокларына тоташкан территорияләрдә умартачылык белән шөгыльләнүгә вакытлыча чикләүләр кертелә.