Нурлатта җиңү Диктантына 91 яшьлек тыл хезмәтчәне кушылды
Бүген Нурлатта Бөек Ватан сугышы вакыйгалары темасына Халыкара тарихи диктант узды, аны үткәрү өчен база мәйданчыгы булып шәһәрнең 3нче мәктәбе билгеләнде.
"Бу акция юбилейлы бишенче тапкыр үткәрелә. Ул районның барлык мәктәпләрендә уза. Җиңү диктанты 25 сорауны үз эченә ала. Җавап бирү вакыты 45 минут. Сораулар төрле характерда: текстка төшереп калдырылган сүзләрне кертергә, сугышка багышланган поэма авторының исемен әйтергә, китерелгән өзек нигезендә шәһәрне, вакыйганы яки хәрби хәрәкәтләрдә катнашучыны һәм башкаларны әйтергә кирәк», – дип билгеләп үтте район Башкарма комитетының мәгариф бүлеге башлыгы Алсу Рәхмәтуллина. Ул үзе дә диктантка бик теләп кушылды, чөнки, аның сүзләре буенча, бу - безнең ил тормышындагы иң мөһим вакыйгаларның берсе турында үз белемнәрен сынап карау мөмкинлеге.
Бу көнне база мәйданчыгында диктантны 30дан артык катнашучы язган, алар арасында микрорайонда яшәүче хезмәт ветераны, тыл хезмәтчәне Мария Осиповна Платонова да булган. Быелның февралендә аңа 91 яшь тулды.
Сугыш башланганда миңа 9 яшь иде, әтиләребезне, ирләребезне, улларыбызны фронтка озатканда әниләребез һәм әбиләребезнең елаганнарын, алардан килгән хәбәрне түземсезлек белән көткәннәрен хәтерлим. Без колхоз эшләрендә эшләдек, өлкәннәргә мөмкин булганның барысын да ярдәм иттек. Ә Җиңү көне минем тормышымда иң мөһим бәйрәм буларак истә калды, Без шатлыктан еладык, кочаклаштык», – дип истәлекләре белән уртаклашты тыл хезмәтчәне.
Аның белән бергә Җиңү диктантын аның оныкчыгы Дарья Чепурная да яза.
"Мин бүген диктантка барырга карар иткән дәү әнием белән бик горурланам. Мин аңа бланкларны тутырырга ярдәм иттем, ә ул миңа сорауларга кайбер җаваплар белән», – дип билгеләп үтте кыз.
Чарага мәктәпнең яшьармиячеләр отряды әгъзалары да кушылды.