Дәүләт Думасы депутаты Олег Морозов Столыпин медале белән бүләкләнде

2023 елның 19 апреле, чәршәмбе

Дәүләт Думасы депутаты, Контроль комитеты рәисе Олег Морозов I дәрәҗә Столыпин медале белән бүләкләнде.

Бүләкне һәм таныклыкны Олег Викторовичка премьер-министр Михаил Мишустин тапшырды.

Столыпин медале-2008 елда илнең социаль-икътисади үсешенең стратегик бурычларын хәл итүдә казанышлары өчен россиялеләрне бүләкләү өчен гамәлгә куелган Хөкүмәт бүләге. Медаль белән Россия сәнәгате, авыл хуҗалыгы, төзелеш, транспорт, фән, мәгариф, сәламәтлек саклау, мәдәният үсешенә яки башка өлкәләрдә дәүләт бурычларын хәл итүгә зур өлеш керткән гражданнар бүләкләнә.