Нурлат педагоглары яңа ноутбуклар алды
Кичә Балалар иҗаты үзәге базасында гомуми белем бирү оешмалары директорларына ноутбуклар тапшыру тантанасы узды.
Татарстан Республикасы Цифрлы үсеш һәм Мәгариф министрлыкларының финанс ярдәме белән Нурлат педагоглары 373 яңа ноутбук алды.
- Укытучы һәм педагог елы кысаларында республикада укытучыларны тулы күләмдә ноутбуклар белән тәэмин итү программасы старт алды. Бу инде техниканың икенче партиясе, узган елның октябрендә 157 данә кайткан иде, – дип билгеләп үтте мәгариф бүлеге начальнигының уку-укыту эшләре буенча урынбасары Наталия Хәмидуллина.
Яңа техниканың белем сыйфатын югарырак дәрәҗәгә күтәрергә мөмкинлек бирәчәге турында педагоглар үзләре дә сөйли.
- Бер дәрес яки класстан тыш чара да презентациясез, визуаль әсбаплар күрсәтмичә үтми, һәм ноутбуклар монда бик кирәк. Берничә ел элек бирелгәннәр инде искергән, ә яңалары заманчарак һәм куәтлерәк, – дип уртаклашты шәһәрнең 3нче мәктәбе директоры Ольга Куралова.
Мәгариф бүлеге мәгълүматларына караганда, районда барлыгы 525 укытучы эшли, аларның 90 проценты быелгы уку елында яңа ноутбуклар белән тәэмин ителгән.