Людмила Рыбакова нурлатлылар өчен онлайн-кабул итү үткәрде

2023 елның 5 апреле, чәршәмбе

ТР Дәүләт Советы депутатына 4 Нурлат кешесе мөрәҗәгать итте.

«Бердәм Россия» партиясенең Нурлат җирле бүлекчәсе җәмәгать кабул итү бүлмәсендә Татарстан Республикасы Дәүләт Советы депутаты Людмила Рыбакова гражданнарны кабул итте.

Онлайн-кабул итү барышында төрле характердагы 4 мөрәҗәгать килде. Нурлатлылар тормыш өчен мөһим препаратлар белән тәэмин итүгә, 8 яшьтән 17 яшькә кадәрге балаларга пособиеләр түләүгә, пенсия күләменә, онкология белән авыручыларга юл түләүләрен кайтаруга кагылышлы сораулар белән мөрәҗәгать иттеләр.

2 сорау эшкә алынды, калганнары буенча консультацияләр һәм аңлатмалар бирелде.