Татарстан Республикасы авыл хуҗалыгы күзәтчелеге массакүләм үләнне яндыру сезоны башлануы турында кисәтә
Россельхознадзорның Татарстан Республикасы буенча идарәсе кисәтә: язгы күзәтүчесез коры үләнне яндыру утның таралуына һәм туфракның уңдырышлы катламын юкка чыгаруга китерә!
Татарстан Республикасында массакүләм үлән яндыру сезоны башлана. Яз көне корыган үләнне яндыру туфракны җылытуга, көл ашламасына, яшь үсемлекләрнең тиз үсүенә, корткычларны, фитопатларны юкка чыгаруга ярдәм итә, дип санала. Ләкин бу ялгышу.
Язгы учаклар - табигый янгыннарның, шул исәптән урман һәм торфлы янгыннарның сәбәпләренең берсе, аларны сүндерү бик кыен. Ялкын кайчакта зур мәйданнарга таралырга да мөмкин.
Янгын куркынычы янаган хәлдә гаепле кешеләр административ җаваплылыкка тартылырга мөмкин. Үләнне яндыру урман утыртмаларына зыян китергән очракта, гаепле кеше РФ Җинаять кодексының 261 нче маддәсе буенча җинаять җаваплылыгына тартылырга мөмкин.