Нурлатта мәдәният хезмәткәрләрен хөрмәтләделәр
Шәһәр Мәдәният сараенда мәдәният хезмәткәрләре көненә багышланган тантаналы чара узды.
Залда иҗади һөнәр вәкилләре җыелды. Аларны Нурлат муниципаль районы Башлыгы Алмаз Әхмәтшин сәламләде.
"Мәдәният хезмәткәрләре безнең тормышыбызга иҗат, гармония һәм матурлык алып килә, аны яктырак итә. Профессионализмыгыз өчен рәхмәт. Алга таба да уңышлар телим!, - җыелучыларны Алмаз Сәлим улы котлады.
Нина Павлова бөтен гомерен иҗатка багышлаган тәҗрибәле остаз. Ул 25 ел Нурлат балалар сәнгать мәктәбендә эшли. Бу елларда учреждениенең рәсем бүлеге укытучысы 250дән артык балага белем биргән.
"Минем өчен иң яхшысы – балалар белән аралашу. Минем дәресләрдә алар төсләр гармониясен алалар, дөньяны эстетик яктан кабул итәләр. Мин үз эшемә бик теләп барам", – дип уртаклашты Татарстан Республикасының атказанган мәдәният хезмәткәре-бу исем аңа шушы көннәрдә бирелде.
Мәдәният үсешенә керткән өлеше өчен ТР Мәдәният министрлыгының Мактау грамоталары белән балалар сәнгать мәктәбе укытучылары Айгөл Дәүләсупова, Гүзәл Маняпова һәм Аделя Юнысова, Кәкре Атау авыл мәдәният йорты режиссеры Фәүзия Кәлимуллина һәм Каравыл Тавык КФҮсының бүлек мөдире Ольга Савельева бүләкләнде.
Намуслы һәм нәтиҗәле хезмәтләре өчен мәдәният хезмәткәрләре төркеменә «ТР мәдәният өлкәсендә инновацияләр кертү һәм традицияләрне саклау ресурс үзәге»нең һәм район башлыгының Мактау грамоталары һәм Рәхмәт хатлары тапшырылды. Кама аръягы һәм Нурлат шәһәренең төбәк тарих музеена Россиянең Атказанган рәссамы Рудольф Барановның шәхси галереясеннән картина тапшырылды.
Биредә район башлыгы ТР атказанган мәдәният хезмәткәре, «Сердәш» татар вокаль ансамбле җитәкчесе Сәмигулла Рәхмәтуллинга концерт баянын тапшырды.
"Быел безнең ансамбльнең оешуына 10 ел тула. Бу күптән көтелгән уен коралы безнең өчен чын бүләк булды. Баян яхшы, заманча. Аңа микрофон да тоташтырырга мөмкин. Хәзер без тагын да зуррак мөмкинлек белән чыгыш ясаячакбыз. Бик зур рәхмәт!, - диде Сәмигулла Хөснулла улы.
Котлаулар белән бергә сәхнәдән музыкаль номерлар да яңгырады, чара мәдәният хезмәткәрләре гимнын башкару белән тәмамланды.