95 яшен тутырган көнне Абрыскиннан Елизавета Павловна Сенькина кунаклары өчен чуваш телендә җырлар җырлады
Нурлат районы башлыгы Алмаз Әхмәтшин тыл хезмәтчәнен юбилее белән котлады.
Паспорт буенча аның исеме Елизавета, ләкин авылдашлары һәм туганнары аны чекеҫ аппа (чекеҫ чувашчадан Карлыгач дигәнне аңлата) дип атыйлар.
"Минем апам 1914 елда туган. Шулай килеп чыккан, аннан соң туган барлык балалар вафат булганнар. Халкыбызның Балаларга хайваннар, кошлар исемнәре буенча исемнәр бирү ышануы бар. Бу аларны явыз рухлардан, күзләрдән саклар дип саналган. Менә мине Чекеҫ дип атадылар, – ди Елизавета Павловна.
95 яшендә Елизавета Павловна бик көр күңелле, аралашучан. Тумышы белән ул Кече Камышлы авылыннан. Сугыш башланганда аңа нибары 13 яшь кенә була. Күп нәрсә аның өлешенә төшә: ул башкалар белән бергә колхозда да эшли, урман әзерләүдә дә, 1948 елдан торф чыгаруда да эшли. Аңа мәктәптә укырга туры килмәгән. Ләкин моңа да карамастан, ул үзе, инде җирле мәктәптә техник хезмәткәр булып эшләгәндә, балалар белән бергә укырга һәм язарга өйрәнә. Озак еллар чуаш телендә әдәби журнал яздыра, һәм бүген район газетасы «Туслах»ны башыннан ахырына кадәр күзлексез укый. Чигәргә ярата, урындыкларга оригиналь утыргычлар бәйли.
Елизавета Павловна үз гомерендә бер тапкыр да хастаханәдә ятмаган, поликлиникага диспансеризация узар өчен генә йөри. Чуаш телендә бик күп җырлар белә, аларны милли бәйрәмнәрдә рәхәтләнеп башкара. Казанда Җиңү көне уңаеннан тантаналы чараларда да катнаша.
Тыл хезмәтчәне улы белән яши. Аны туганнары, авылдашлары яраталар һәм һәрвакыт аңа ярдәм итәргә ашкынып торалар. Һәм 95 яшен тутырган көнне күпләр аны котларга ашыкты. Хөрмәтле кунакны да кабул итте юбиляр – Нурлат районы башлыгы Алмаз Әхмәтшин аны үзе котларга килде. Ул аңа җылы теләкләр белән РФ Президенты Владимир Путин исеменнән котлау, чәчәкләр, бүләкләр тапшырды.
"Барысы өчен дә, хезмәтегез өчен дә, оптимизмыгыз өчен дә рәхмәт. Сез һәммәбезгә дә үрнәк", - диде Алмаз Сәлимович.