Нурлатлылар Кариев урамын төзекләндерү турында киңәштеләр

2023 елның 11 марты, шимбә

Кариев урамын реконструкцияләү проекты нурлатлыларның күпчелеге тарафыннан сайланган, һәм бүген шәһәрлеләр проектлаучыларга үз тәкъдимнәрен җиткерделәр.

Кариев урамы быел кече шәһәрләрне һәм тарихи торак пунктларны төзекләндерүнең иң яхшы проектларына Бөтенроссия конкурсында катнаша. Нурлатлылар өчен мондый конкурста катнашу яңалык түгел инде. Хәзер алар конкурста җиңү Кариев урамын да үзгәртергә ярдәм итәр дип өметләнәләр.