Нурлат районының террорчылыкка каршы көрәш комиссиясе куркынычсызлык мәсьәләләрен карады
Террорчылыкка каршы көрәш комиссиясе утырышын Нурлат муниципаль районы Башлыгы Алмаз Әхмәтшин җитәкләде.
Террорчылыкка каршы көрәш комиссиясе секретаре Владимир Борисов үз чыгышында Татарстан Республикасы муниципаль берәмлекләренең террорчылыкны профилактикалау эшенең торышы һәм нәтиҗәләре турында күзәтүдә күрсәтелгән район АТКсы эшендәге җитешсезлекләр турында сөйләде. Ул шулай ук терроризмга каршы тору өлкәсендәге вәзгыятьне мониторинглау сыйфаты һәм аны арттыру чаралары турында хәбәр итте.
Район мәгариф бүлеге начальнигы Алсу Рәхмәтуллина һәм «Ышаныч» үзәге җитәкчесе Тамара Севастьянова район мәгариф оешмаларында психологик куркыныч төркемнәре белән алып барылган профилактик эшнең торышы һәм аны камилләштерү чаралары, анда «Ышаныч»педагогик медицина-социаль хезмәте белгечләренең катнашу дәрәҗәсе турында сөйләделәр.
Утырышта Кибердружинаның (райондагы АТКның мәгълүмати куркынычсызлык үзәге) һәм Кибердружина (ҮБ) җитәкчесе урынбасары Татьяна Тимофеева чыгышында мәгълүмат-пропаганда төркеменең үзара хезмәттәшлеген камилләштерү чаралары турында мәсьәлә каралды.
Шулай ук комиссия әгъзалары Киекле һәм Фома авыл җирлекләре башлыклары Лилия Кашапова һәм Рәшит Абдрахмановның террорчылыкка һәм экстремизмга каршы профилактик эшнең торышы турындагы докладларын тыңладылар.
Утырышка район башлыгы Алмаз Әхмәтшин йомгак ясады. “Без – җитәкчеләр, кешеләр иминлеге өчен җавап бирәбез", - диде ул, комиссия әгъзаларын һәм авыл җирлекләре башлыкларын террорчылык һәм экстремизм идеологиясенә каршы тору һәм профилактикалау эшенә аерым игътибар бирергә чакырып.