Нурлатлыларга пост вакытында дөрес ашау турында киңәш бирәләр
Татарстан Республикасы буенча Роспотребнадзор Идарәсенең (Татарстан) Нурлат, Аксубай, Әлки, Чирмешән районнарындагы территориаль бүлеге Православие уразасы вакытында ничек ашарга кирәклеген тәкъдим итә.
2023 елда Бөек пост 27 февральдән 15 апрельгә кадәр җиде атна дәвам итә.
Барлык православие динен тотучылар өчен рухи һәм чиркәү тормышының иң җаваплы, киеренке һәм шатлыклы чоры, рухи һәм физик чистарыну һәм төп православие бәйрәменә – изге Христосның күккә ашкан көнен бәйрәм итүгә әзерләнү чоры башланды.
Төп кагыйдә-рационнан барлык «тыелган» продуктлар, ягъни хайван итеннән җитештерелгән продуктлар (ит, балык, сөт һәм сөт продуктлары) төшереп калдырыла, аерым көннәрдә термик эшкәртелгән ризыклардан, үсемлек мае, шәрабтан тыелырга кушыла.
Уразага, үз-үзеңне камилләштерүгә юнәлтелгән һәр эшчәнлек кебек үк, акыл һәм этаплап якын килергә кирәк.
Ураза тотуның төп хаталары:
- Хайваннардан җитештерелгән ризыклардан кискен баш тарту.
- «Буш» калорияле белән углеводлы ризыкларны һәм ашамлыкны артык күп куллану.
- Гел бертөсле рацион.
Бөек Уразаны тотучыларга киңәшләр:
– Протеинлы ризыкларны җитәрлек күләмдә кулланыгыз. Көн саен югары калорияле аксымга бай ризыклар ашагыз (карабодай ярмасы, үсемлекләр, киноа, тофу).
- Балыкны рөхсәт ителгән көннәрдә пешереп ашагыз.
- Яшелчә һәм җиләк җимешләр ашагыз.
- Чистартылган, «тиз» углеводларны (шикәр, татлы ризыклар, макарон, бәрәңге) чикләгез. Татлы ризыклардан кипкән җимешкә, балга өстенлек бирегез.
Чистартылмаган, «акрын» углеводлар (ярмалар, яшелчәләр) булган ризыклар куллану белән углеводларга булган ихтыяҗны каплагыз.