Быел Нурлатта «Мирас» яшүсмерләр клубы ачылачак
Тиздән Нурлатта 14-35 яшьлек яшүсмерләр һәм яшьләр өчен тагын бер заманча киңлек ачылачак. Ул 9нчы шәһәр мәктәбенең янәшәдәге бинасында урнашачак.
Хәзер подрядчы оешма капиталь ремонт белән мәшгуль-төзүчеләр фасадны керамогранит белән җылытуга һәм тышлауга керештеләр, бина эчендә демонтаж эшләре бара, электромонтаж эшләре башланды. Ремонт яшүсмерләр клубларын капиталь ремонтлау буенча республика программасы кысаларында алып барыла.
Бүген Нурлат районы Башлыгы Алмаз Әхмәтшин капиталь ремонт объектында подрядчы, шулай ук район Башкарма комитетының бүлек җитәкчеләре катнашында киңәшмә үткәрде. Ул эшләрнең барышы белән танышты, шулай ук Яшүсмерләр-яшьләр клубы эшләячәк барлык юнәлешләрне дә уйларга, яшүсмерләр белән шөгыльләнү өчен белгечләр тупларга, куркынычсызлык турында уйларга өндәде. Яңа клубта яшь нурлатлылар өчен туризм белән шөгыльләнү өчен барлык шартлар да тудырылыр, сәнгать - һәм кулинария остаханәләре, компьютер технологияләре буенча уку класслары һәм башкалар эшләячәк дип көтелә. Шулай ук мөмкинлекләре чикле яшүсмерләр һәм яшьләр белән эшне оештырырга да планлаштыралар.