Нурлат балалар бакчасында иртәнге фильтр - грипп һәм орви авыруларын профилактикалау
«Кояшкай» балалар бакчасында иртәнге фильтр көн саен үткәрелә.
Гриппның А, В һәм С төрләре аркасында килеп чыккан кискен вируслы сулыш инфекциясе, бизгәк тоту, агулану һәм югары сулыш юллары зарарлану. Грипп, кискен сулыш юллары вируслы инфекцияләрнең ОРВИ төркеменә керә.
Кечкенә балалар өчен грипп үзе дә, аннан килеп чыккан авырлыклары да бик куркыныч: синусит, отит һәм, әлбәттә, пневмония. Пневмониядән соң еш кына авыруларның кискенләшүе күзәтелә ала.
Мәктәпкәчә яшьтәге балалар арасында йогышлы авырулар таралуны булдырмау буенча бик мөһим чара булып балалар бакчаларында иртәнге фильтрны оештыру тора, аның төп максаты-балаларда йогышлы авырулар билгеләрен ачыклау. ОРВИ һәм грипп авырулары сезонлы күтәрелеш чорында бу мәсьәлә аеруча актуаль.
Иртәнге фильтр балалар бакчасының медицина хезмәткәре, ә ул булмаганда тәрбияче тарафыннан үткәрелә. Бала төркеменә кабул итәр алдыннан ата-аналардан аның сәламәтлеге турында сораштыру, карау, шулай ук термометрия үткәрелә.
Ата-аналарга бала җиңел формада авырганда да аны балалар бакчасына җибәрергә ярамый. Бу авыру бала өчен генә түгел, авыру белән контактта булган башка балалар өчен дә куркыныч.
Иртәнге фильтр вакытында ачыкланган авыру балалар яки авыруга шикләнгән балалар мәктәпкәчә белем бирү оешмаларына кабул ителми, шул ук вакытта ата-аналарга консультация һәм тиешле дәвалау билгеләү өчен участок педиатрына мөрәҗәгать итәргә киңәш ителә.
Иртәнге фильтр нәтиҗәләре көн саен балалар бакчасы медицина хезмәткәре (яки тәрбияче) иртәнге фильтр журналына языла. Журналның булуы һәм көн саен тутыру балалар бакчасы җитәкчелеге тарафыннан контрольдә тотыла.
Шулай ук авырып терелгәнгәннән соң, балаларны иртәнге фильтрда мәктәпкәчә белем бирү оешмаларына диагноз, авыру вакытының озынлыгы, баланың йогышлы авыру белән авыручылар белән элемтә булмау турындагы мәгълүматлар күрсәтелгән медицина учреждениесеннән белешмә булганда гына кабул итәләр.
Шуны истә тотарга кирәк: авыруның беренче симптомнары вакытында кичекмәстән медицина ярдәме сорап мөрәҗәгать итәргә кирәк!
ТР Роспотребнадзорның территориаль бүлеге