Нурлат өлкән сыйныф укучылары ЗАГС бинасында дәрестә булдылар
Шушы көннәрдә Нурлат муниципаль районы Башкарма комитетының ГХАТ бүлегендә Ватанны саклаучылар көненә багышланган «Гаилә белеме нигезләре» дәресе узды.
ЗАГС бүлегенә Нурлат шәһәренең 2нче мәктәбенең өлкән сыйныф укучыларын чакырдылар.
Чара ГХАТ бүлеге буенча экскурсиядән башланды. Аннан соң ЗАГС бүлеге начальнигы Лилия Гомәрова бүлекнең тулаем эшчәнлеге, гаилә һәм никах институтын ныгытуга юнәлтелгән ЗАГС чаралары һәм ЗАГС органының кеше тормышындагы әһәмияте турында сөйләде.
Ачык дәресне дәвам итеп, бүлек хезмәткәрләре балаларны мөнәсәбәтләрдә ышаныч киңлеге төшенчәсе белән таныштырдылар, аларга гаилә мөнәсәбәтләрендә никах төзүнең хокукый өстенлекләре турында сөйләделәр.
Балалар үзләрен кызыксындырган сорауларны бирделәр һәм аларга җаваплар алдылар.