Запастагы генерал-майор Анатолий Молоствов: «Һөнәрне йөрәк белән сайлау мөһим»

2023 елның 16 феврале, пәнҗешәмбе

Россия Федерациясе Үзәк хәрби округының Татарстан Республикасы буенча баш инспекторы генерал-майор бу хакта Нурлат өлкән сыйныф укучыларына искәртте.

Әңгәмәдә хәрби комиссар Заһир Абдуллин катнашты. Бүген шундый очрашу 4нче мәктәптә ел саен үткәрелә торган традицион мәктәп укучыларының һөнәри юнәлешенә багышланган очрашулар циклы кысаларында узды. Тиздән алар тормыш юлында һөнәр сайларга тиеш.

Генерал-майор булачак абитуриентлар белән күпьеллык хезмәт тәҗрибәсе белән уртаклашты һәм хәрби карьераны сайларга тәкъдим итте.

Гомумән, егетләргә армиядә хезмәт итү һәм үзләрендә патриотизм рухы тәрбияләүнең мөһимлеге турында сөйләделәр.