Алмаз Әхмәтшин Нурлат районы үзәк хастаханәсенең Әлмәт табиблык амбулаториясендә булды
Медицина учреждениесе мәктәп бинасында 2012 елдан бирле урнашкан, бина 1968 елда төзелгән.
Әлмәт табиблык амбулаториясе җирле халыкка гына түгел, якындагы торак пунктларда яшәүчеләргә дә медицина ярдәме күрсәтә. Хәзерге вакытта медицина учреждениесе якынча 1400 кешегә хезмәт күрсәтә.
Нурлат районы Башлыгы авыруларның биреду булу һәм дәвалану шартлары белән танышты, табиблык амбулаториясе палаталарын карады, шәхсән медицина персоналы белән аралашты.
Монда табиб эшли, балаларны район участок педиатрлары кабул итә, урта медицина персоналы тулысынча комплектланган.
Нурлат РҮХнең баш табибы Айдар Сәгъдиев сүзләренә караганда, медицина учреждениесе бинасында түшәмнәрне, керү төркемнәрен алыштыру, сантехник җиһазларны алыштырып, барлык кабинетларда косметик ремонт ясау планлаштырыла.
2023 елда Чулпан хастаханәсендә, Яңа Әлмәт амбулаториясендә, шикәрчеләр микрорайонындагы амбулаториядә һәм 6 ФАПта капиталь ремонт башланачак. Әлеге биналар «Сәламәтлек саклауның беренчел звеносын модернизацияләү» федераль проектына керде.