Узып баручы елны төгәлләп Нурлатның гимнаст кызлары чираттагы җиңүләре белән куандыра
Шушы көннәрдә «Омтылыш» студиясендә шөгыльләнүчеләр Мәскәүдә узган «Кышкы әкият» нәфис гимнастика ярышларыннан кайтты.
Монда да кызлар зур нәтиҗәләр күрсәтеп, үз осталыкларын кабат расладылар. Мәсәлән, Эмилия Сәгъдиева 1нче, Алсу Хәбибрахманова 2нче урыннарны алды, икесе дә туп белән чыгыш ясады.
Берничә көннән соң гимнаст кызлар агымдагы елның йомгаклау ярышларында чыгыш ясады. Биредә Эмилия Сәгъдиева янә иң яхшы нәтиҗә күрсәтте – аның 1нче, Валерия Тимохина-2нче, Самина Хәбибрахманова-3нче урында.
«Ярышларга барлык кызлар да әзерләнде, әмма салкын тию сезоны аркасында кайберәүләр чыгыш ясый алмады. Ә бу кызлар – иң чыдамнары, алар лаеклы рәвештә призлы урыннарга лаек булдылар. Гомумән алганда, быел бездә бик күп ярышлар һәм лаеклы бүләкләр булды. Хәзер киләсе сезонга әзерләнәбез», - диде кызларның тренеры Зифа Сәгъдиева.