«Эколидер» республика конкурсында «Нурлат-информ» җиңү яулады
Ел саен үткәрелә торган «ЭКОлидер» конкурсы Татарстан Республикасында быел 18нче тапкыр үткәрелде һәм Татарстан Республикасы Экология һәм табигый байлыклар министрлыгының 30 еллыгына багышланды.
Бүген Казанда «Пирамида» мәдәни-күңел ачу комплексында конкурста җиңүчеләрне бүләкләү тантанасы булды. Тантанада Татарстан Премьер-министрының беренче урынбасары Рөстәм Нигъмәтуллин, Татарстан Экология һәм табигый байлыклар министры Александр Шадриков, конкурста катнашучылар, тармак ветераннары катнашты.
«Электрон массакүләм мәгълүмат чараларында иң яхшы материал» номинациясендә 1нче урынны «Нурлат-информ» алды.
«Мәктәпкәчә белем бирү учреждениеләрендә экологик белем бирү» номинациясендә 1 нче урынны Нурлат шәһәренең 1нче номерлы «Чишмәкәй» балалар бакчасы яулады.