Утырышта коррупциягә каршы көрәш буенча эшне координацияләү комиссиясе әгъзалары агымдагы елда башкарылган эшкә йомгак ясадылар
Советның зур залында Нурлат районында коррупциягә каршы көрәш буенча эшне координацияләү комиссиясенең киңәйтелгән утырышы узды.
Утырышны комиссия рәисе район Башлыгы Алмаз Әхмәтшин алып барды.
Утырыш башланыр алдыннан Алмаз Сәлим улы һәм катнашучылар район мәгариф учреждениеләре укучылары тарафыннан әзерләнгән "Бел һәм рөхсәт итмә!” исеме астындагы рәсемнәр күргәзмәсе белән танышты. «Бүген без коррупциягә каршы көрәшергә тиеш, әмма шул ук вакытта без киләчәгебезне дә формалаштырырга тиешбез, балалар кече яшьтән үк нәрсә турында сүз барганын аңласыннар һәм Коррупциясез олы тормышка керергә әзер булсыннар иде. Бу безнең барыбызга да бәйле», – диде Алмаз Сәлим улы, эшне югары бәяләп.
Утырыш эшендә шулай ук Татарстан Республикасы Президентының Коррупциягә каршы сәясәт мәсьәләләре буенча идарәсенең коррупциягә каршы мониторинг бүлегенең баш киңәшчесе Александр Лохотской да катнашты.
Биредә агымдагы елның 11 аенда Нурлат районында коррупциягә каршы сәясәтне гамәлгә ашыру буенча район Контроль-хисап палатасы тарафыннан муниципаль учреждениеләрне һәм районның җирле үзидарә органнарын тикшергәндә җитешсезлекләр, районның мәгариф, мәдәният, спорт учреждениеләрендә коррупция күренешләрен булдырмау чаралары турында фикер алыштылар.