Нурлатлыларга шикәр диабеты буенча РКБның әйдәп баручы эндокринологлары консультация бирде
Нурлатта республика клиник хастаханәсеннән һәм РКБдән эндокринологлар, «Диабетны җиңәбез» хәйрия фонды, “СӘЛАМӘТ + " иҗтимагый сәламәтлек үзәге вәкилләре катнашында шикәр диабетын профилактикалау айлыгы кысаларында күчмә чара узды.
– Нурлат районында 1534 кеше шикәр авыруы белән авыручы, алар арасында балалар да бар, - дип ассызыклады Нурлат РҮХнең баш табибы Айдар Сәгъдиев.
Биредә «1нче һәм 2нче типтагы шикәр диабеты» диагнозы куелган нурлатлыларның белгечләр консультациясе алу һәм аларга кызыксындырган сораулар бирү, шулай ук гемоглобинны тикшерү мөмкинлеге бар иде. Очрашуга шулай ук куркыныч тудырган төркемгә кергән пациентлар да чакырылган иде. Аларга шикәр авыруы белән ничек көрәшергә: профилактика, туклану һәм яшәү рәвеше турында лекцияләр укылды. Ә волонтерлар информацион буклетлар һәм көндәлекләр тараттылар. " Диабетны җиңәбез» халыкара хәйрия фонды президенты, ТР буенча МСЭ баш бюросының Иҗтимагый совет әгъзасы, ТР Иҗтимагый палатасы эксперты Лилия Әмирҗанова чыгышы зур кызыксыну уятты. Ул шикәр диабетына каршы көрәштә профилактик эш системасын булдыру кирәклеге турында сөйләде, чөнки бу авыру җитди медицина-социаль проблема булып тора, бу аның югары таралуына, авыруларның саны арту тенденциясенә, хроник агымга бәйле.
– Мондый очрашулар бик кирәк, бигрәк тә авыруның башлангыч стадиясендә булучыларга. Аннан күп еллар газап чиккән кешеләргә дә. Мин инде 22 ел диабет белән авырыйм һәм әле үзем өчен бик күп яңа нәрсәләр белдем, - дип уртаклашты Нурлатта яшәүче Зәйнәп Җиһангирова һәм шулай ук һәркемне үз сәламәтлегенә җаваплырак карарга, ел саен профильле белгечләрдә тикшерергә өндәде.