Татарстанлылар агач йортлар сатып алуга субсидия ала ала
Субсидия 3,5 млн сумга кадәр булган әзер комплектны сатып алганда бирелә.
Шул ук вакытта сатучы сатып алучыга йорт бәясенең 10% ка кадәр ташлама бирергә тиеш.
ТР Росреестры мәгълүматлары буенча, агымдагы елда кадастр исәбенә 1955 яңа агач торак йорт куелган. Шуларның яртысыннан артыгы – 1128е - авыл җирләрендә, бакчачылык өчен билгеләнгән җир участокларында – 495.
РФ Хөкүмәте агач йортлар сатып алуга субсидияләр бирү өчен җитештерүчеләргә ел саен кимендә 300 млн сум бүлеп бирү планлаштыра.
Минромторг конкурсында катнашу өчен җитештерүче берничә таләпне үтәргә тиеш:
- Россиядә җитештерү куәтләре барлыгын расларга,
- өйкомплектларының бәяләр прейскуранты булырга тиеш,
- сатып алучы белән килешүдә ташламаларны теркәү.
"Мондый чаралар, инде гамәлдә булган карарлар комплексы белән берлектә, кешеләргә үз торакларын алу буенча мөмкинлекләр бирәчәк, шулай ук завод җитештерүендәге агач йортларга булган ихтыяҗны хуплаячак, эш урыннарын һәм производстволарда мәшгульлекне саклап калачак», – диде Михаил Мишустин.