Нурлаттан Айрат Гәрәев туган көнен эш урынында билгеләп үтә
«Түбән Нурлат» территориаль иҗтимагый җирле үзидарә рәисе Айрат Гәрәев ОСПдан агач тартмалар ясау белән шөгыльләнә.
- Аларны әзерләү үтенече белән Казаннан мобилизацияләнгән егетләр мөрәҗәгать итте. Аларда сугышчылар коралны да, шәхси әйберләрне дә саклый һәм ташый алачак. Аларга хәрби хезмәт үтәргә туры килгән шартларда яңгыр, кар, сазлык, дымлылык, тартмалар да бик файдалы булырга мөмкин, – диде Айрат Гәрәев.
Аның сүзләренә караганда, кирәкле материалны алуда шәхси эшмәкәр Сергей Тюгашов зур ярдәм күрсәткән-ул барлык чыгымнарның яртысыннан артыгын түләгән. Ә аннары, кирәкле инструментлар белән коралланып, Айрат Риф улы авыл цехларының берсендә эшли башлый. Кыска гына вакыт эчендә ул 8 тартма әзерләп өлгергән, атна азагына кадәр тагын берничәне җыеп өлгерергә ниятли. Шуңа күрә, вакытын бушка үткәрмәс өчен, атна башындагы үз туган көнен дә эш урынында каршылаган.
- Мин үзем дә хәрби хәрәкәтләр ветераны, егетләр очраша торган авырлыклар турында бик яхшы беләм. Шуңа күрә кичекмәстән ярдәмгә килдем, - диде ул.