Нурлат волонтерлары тегүчеләр өчен җылы кием тегүне дәвам итәләр
Мобилизацияләнгән якташларга һәм Донбасстагы махсус хәрби операциядә катнашучыларга гуманитар ярдәм җыю буенча оештырылган хәйрия акцияләренә нурлатлылар көннән-көн күбрәк кушыла баралар.
Сугышчыларга фидакарь ярдәм күрсәтүнең мисаллары да арта бара.
Октябрь аенда Татьяна Ямугинаның «Үзебезнекеләр өчен тегәбез» волонтерлык хәрәкәте оештыруы турында язган идек. Шуны билгеләп үтәргә кирәк, гадәти шәһәр фатирында урнашкан кечкенә остаханә шул вакыттан бирле мобилизацияләнүчеләр өчен җылы өске һәм эчке киемнәр тегү цехына әверелде.
Көн саен бирегә Татьяна Ямугинага ярдәм итү өчен шәһәрдән генә түгел, авыллардан да битараф булмаган 5-6 хатын-кыз килә. Бухгалтерлар, дизайнерлар, сатучылар, медицина хезмәткәрләре, психологлар, төрле хезмәттә эшләүчеләр, хуҗабикәләр – аларның барысы да вакытлыча өлге кисүчеләргә һәм тегүчеләргә әйләнгәннәр. Кайберәүләр кичләрен эштән соң килә, икенчеләр хәтта аш вакытында да тегәргә өлгерәләр, әзер киемнәрне өйләренә алып юучылар һәм үтүкләүчеләр дә бар.
Алар арасында тегүчелек эшенә яңа гына өйрәнеп килүчеләр дә бар. Әйтик, Марина Никанорова тегү машинасы артына кичә генә утырган дисәк тә була.
– Мин сатучы булып эшлим, тегә белми идем. Тегү буенча ярдәм кирәклеген ишеткәч, килдем. Башта безнең хәрбиләр өчен кием һәм ризыкларны посылкаларга тутырырга ярдәм иттем. Аннан соң кызлар: Әйдә, тегү машинасы артына утыр, өйрәтәбез”,- диделәр. Хәлемнән килә бугай, иң мөһиме, күңелебезне биреп эшлибез, – дип уртаклашты Марина Никанорова.
15 яшьлек Илья Ямугин монда кыр кухнясы да эшли, төшке аш һәм кичке аш әзерләргә булыша. Менә цехка барган көнне дә ул, плитә янында басып, эшлекле рәвештә алъяпкычны төзәтеп, кычкырып: «бүген карабодай белән соры һәм сосиска!».
Цех эшли башлаганнан бирле Нурлат волонтер-тегүчеләре мобилизацияләнүчеләр өчен дистәләгән һәм йөзләгән толстовка, балаклава, флис тукымасыннан носеилар теккәннәр. Шул көннәрдә хәрбиләр үтенече белән җылы баш киемнәре тегүгә дә керешкәннәр. Планда яраланган сугышчылар өчен носилкалар тегә башлау да күздә тотыла. "Бергә булганда без барысын да башкарып чыгарбыз! Безнең көч - бердәмлектә!" – диләр илебез чикләре сагында торганнарга тылда хәлләреннән килгәнчә ярдәм итүче Нурлат волонтерлары. Һәм алар үз сафлары тулыланып торганда, алгы сызыктагы хәрбиләргә дә җиңелрәк булачак дип ышаналар.